الخميس، 12 ديسمبر، 2013

تعلم وتعرف على اهم صيغ الصور

من تكمل تصميمك وتريد تخزنه بالفوتشوشوب وتريد تحفظه كملف تلكه خانة ألأسم واكو خانة ثانية أسمها Format بمعنى الصيغة الي تريد تخزن بيها الصورة..منها تكدر تختار صيغة حفظ تصميمك كومه اكو بيكم ميعرف شنو هاي الصيغ وشنو الفرق الي بيناتهن فحبيت اسوي كتيب يشرحلكم هذا الشي انشاءالله تستفادون منه طبعا هذا الشرح من خبرتي الخاصه يعني مو كل الصيغ اعرفها او استخدمها بأختصاصي بس الي اعرفه حكوله وتدللون...



1-PSD :- هي الصيغة الخاصه بالفوتوشوب لزيادة علم معنى هذا ألأختصار - PhotoShop Design , هاي تفيدك وكلش مهمه ببرنامج الفوتوشوب بحيث تكدر من تكمل تصميمك ا رح تكدر تخزنه بهاي الصيغة علمود تكدر تعدل عليه بعدين بحيث من تخزنه راح يتخزن التصميم ويه الطبقات الي استخدمتها والستايلات وكلشي تكدر تعدل عليه بعدين ومننه حجمه الكبير.

2-BMP :- هاي الصيغة حجمه كلش كبير وتنطي الصوره باعله وضوح بحيث تستخدم 61 مليون درجة لونية بس مثل ما كلتلكم حجمه كبير وحتى متدعم الصور المفرغة.

3-GIF:- هذه الصيغة تمكنك من التعامل مع 651 لوناً فقط و وتسمى هذه الألوان بالألون المفهرسة . وهماتين هاي الصيغة لا يأخذ مساحة كبيرة لذا شاع استخدامه في الإنترنت و اكثركم يعرف هاي الصيغة الي تستخدم للصور المتحركه.

4-JPEG:- يستخدم هذا النسق لحفظ التصميم قبل النشر على الإنترنت لأنه يقوم بضغط البيانات , ويستخدمه بعض المصممين لما له من جودة وصغر حجم بالرغم من أنه لا ينافس امتداد GIF في مسألة الحجم … بس شي على شي هذا مرغوب اكثر.


5-PCX:- هذه الصيغة تعطي وضوح عالي للصورة يصل إلى 61 مليون لون بالرغم من أنه لا يلاقى أي اهتمام في هذا الوقت أني واحد من الناس ما استخدمه.

6-PDF:-  هذه الصيغة تستخدم لعمل الكتب الإلكترونية بس اكو اشخاص يتسخدومه لتخزين مجموعة صور على عدد الصفحات.


7-SCT:- تعد هذه الصيغة الأفضل للمطابع التجارية التي تستخدم أجهزة الطبع سايتكس و ذاك لفرز الألوان.


8-TGA : يسمى هذا النسق بالمفتاح اللوني لأنه يتم وضع مفتاح اللون جانباً للعرض الحي و قد قامت شركة - True Vision بتصميم هذه الصيغة لدعم الصور ذات 26 بت التي تحتوي على قنوات ألفا و قادرة على عرض الصور الحية.

9-Png :- احسن صيغة برأي حيث ماخذه المزايا الزينه من كل صيغة بحيث تستخدم نسبة الاوان مو طبيعيه مثل البي ام بي وتدعم الصور المفرغه مثل الجي اي اف وهاي انصحكم بيها بس عيبه الوحيد حجمه الكبير مقارنة بباقي الصيغ