الاثنين، 22 سبتمبر 2014

حل مشكلة an limited access

السلام عليكم و رحمة الله و بركاته
اليوم طبقت تجربة ونجحت وحبيت افيدكم بيها  وهي حل مشكلة كثير ما توجهنا و هي تعذر الاتصال بالشبكة ( an limited access ),وطبعا هاي المشكله من مثلا حاسبه بيها نت والثانية ما بيها او بالموبايل اكو نت بس بالحاسبه ماكو ومتعرف شنو المشكله المهم اليوم راح انطيكم خطوات حل هاي المشكلة

أولاً تروح على ايكونة البطارية وتختار More power options
بعدين تختار الوضع الذي تشتغل عليه ( عند استعمال البطارية ) بعدين تروح على Change plans settings..

راح تطلعلك النافذه التالية مباشرتاً تروح على Change advanced power settings

راح تطلعلك نافذه جديده ... مباشرتاً تروح على  Wireless Adapter Settings عند الضغط عليها راح يطلع عندك اختيارين On battery و Plugged in يعني من تكون باستخدام البطارية و مربوطه على الشحن بالاختيارين اكو خصائص بالثنين اختار اخر صيغه الي هي Maximum Power Saving , طبعا بهاي الحالة من تشغل على البطارية حتصرف شحن بس مو شي هائل وبهاي الطريقه ان شاء الله راح تنحل الطريقة 

تحياتي للجميع اخوكم مصطفى كاظم





الجمعة، 5 سبتمبر 2014

ما هو الفرق بين نظامي 32bit و 64bit؟!

السلام عليكم شلونكم شباب وبنات اليوم اكو موضوع ان شاء الله يكون حلو ومفيد الكماكثر اصدقائي واغلبكم يسئل وينسئل من المقابل شنو الفرق بين نظام 64 ونظام 32, ان شاء الله اليوم راح اشرحلكم هلشي بشكل مبسط جداًنجي على السؤال

ما هو الفرق بين نظام 64bit ونظام 32Bit

اول شي خلونه نفهم شغلة وهي نظام التشغيل 

نظام التشغيل : هو برنامج او مجموعة برامج تكَدر من خلالها التعامل مع أجهزة الكومبيوتر مثل (Windows 7, Windows 8,  Windows server , linux , Mac ... الخ )

ببساطه كلما كانت كفاءة انظمة التشغيل اعلى راح تحصل على معالجة أسرع للبيانات 
الـ 32 و 64 bit مثل ما نكول كَاعد تشرحلك او تعبر عن عرض حزمة البيانات التي يمكن للجهاز معالجتها دفعه وحده .

مثال توضيحي :


خل نكول عدنه صونده مال مي قطرها 32 سم وصونده قطرها 64سم ,طيب عدنه جلكانين متساوين بلحجم مال وقوة ضخ المي للصوندات الثنين شادين عليها ماطو ودتسحب قوي منو راح تكدر تترس الجلكان اول ام الـ32 لو ام 64؟.. اكيد ام 64 لان راح تصدر مي باكبر كميه
حبيت اوصل فكرة اوليه بهذا التشبيه فكمية المي هي نفس كمية البيانات الي يتم معالجتها ..

لذلك فانه لو كان عدنه نفس الكمية من البيانات ونريد معالجتها فان النظام 64 bit راح يكدر يتمم معالجتها بنصف الوقت الي يعالج بيها النظام 32bit 



طيب عرفنه هسه  بان النظآم 64 بت اعلى اداء من النظآم 32 بت ...

بس علمود  نستفيد من قدرة النظام 64 بت .. لازم يتوفر عندك هاي الامور الثلاثة
- معالج داعم لأنظمة 64 بت .
- نظام تشغيل 64 بت .
- تطبيقات وبرامج ذات الاصدار 64 بت .

والصوره توضح المقصود :





اما بالنسبه للمعالجات ...

من تروح تشتري جهاز كومبيوتر جديد فانصحك بطلب المعالج الذي يدعم 64 بت 

فالفكرة بسيطة هنـآ

..

64 بيت ينقل المعلومات بحد اقصى 2^64 (2 اس 64 ) يعني قريب 16تيرابايت 

32 بت ينقل المعلومات بحد اقصى 2^32 ( 2 اس 32 ) يعني قريب  4 جيجابايت 

فمثلا نظام 32 لو تركب اكثر من 4 gigabyte رام ما راح يتعرف عليها النظام

بعكس نظام 64 

بمعنى آخر

32 بت يتعرف على  3.7جيجابايت من الرام 
64 بت يتعرف على اكثر من 8 جيجابايت من الرام 



من المعلومات العامة أن أنظمة الكمبيوتر تطورت من بيئة 8 bit إلى 16 bit في الثمانينات
وفي التسعينات التي شهدت نقلة أخرى من 16 bit إلى 32 bit وها نحن الآن ننتقل إلى 64 bit

بالنسبة لنظام 64 بت فهو نظام مصمم للأداء العالي

ويستهدف بعض برامج التصميم الكبيرة مثل الثري دي ماكس و المايا و وحتى الفوتوشوب بلتصاميم الضخمه والكثر من برامج التصميم الكبيرة يعني اكيد سامع من واحد يكلك لازم انتضر اكمل بلبرنامج يخلص الريندر ياله هو هذا الريندر يعتمد على الرام باكبر كميه ممكنه النظام الجديد يساعد على هاي الفكرة طبعا ما عدى اللعبات القويه الي تحتاج الى مواصفات عاليه   حيث يتفوق هذا النظام عن نظام 32 bit بأنه أسرع في معالجة البيانات بالإضافة إلى قابلية قراءة الرامات 4 gigabyte ومافوق , حيث أن نظام 32 bit لا يستطيع إلا إستخدام 3.25 gigabyte من الرامات , حتى ولو كان لديك 8 gigabyte فإن نظام 32 bit لن يستطيع التعرف إلا على 3.25 giga فقط , وهذا l, عيب كبيرا و لا سبب وجيه يخليك تترك نظام 32 وتروح إلى نظام 64,فمثل ما كلت نظام 64 للعمل القوي وثكيل مثل التصميم الثلاثي الابعاد والمونتاج واللعبات القوية 

فعندك نظام 64 يدعم برامج 32 صح مو بشكل كامل, فنسبة حدوث الأخطاء في برامج 32 المثبتة على نظام 64 بت متوسطة وقد تعمل بعض البرامج والبعض الآخر لن يعمل ,,

و من المعروف أن معظم البرامج المصممة لبيئة ويندوز تستهدف نظام 32 هاي اذا مو جانت كلها , بس باقي الشركات مثل adobe  و autodesk وغيرها كامت تسوي البرامج على نظامين 32 و64 وحاليا بدت تقلل على نظام 32 وتحصر البرامج فقط 64 لمناسبة العمل عليه

فالخلاصة من كل هذا الكلام :
اذا جنت مصمم فوتوشوب او ثريدي ماكس

واذا جان عندك معالج يدعم تقنية 64bit
واذا جان عندك رام بسعة 4 giga  او اكثر
فأنصحك بأستخدام نظام 64 للأعمال والتصاميم الكبيرة


واستخدم نظام 32 بت لأعمالك الإعتيادية اليومية ( تصفح , كتابة , ... إلخ )



ان شاء الله يكون هلشرح مفيد 
نسئلكم الدعاء 
تحياتي للجميع
اخوكم مصطفى كاظم